Home » حكاوى من القلب by Asmah Ghazal
حكاوى من القلب Asmah Ghazal

حكاوى من القلب

Asmah Ghazal

Published February 24th 2012
ISBN :
ebook
148 pages
Enter the sum

 About the Book 

( المقدمة )كل واحد فينا جواه شوية صفات كدا على بعضها، زى الرفوف بالظبط ، الصفات دى منها الغضب والرضا، الحب والكره، الرحمة والقسوة، الشفقة والمجافاة، ، لكن طبعا فيه رف مليان شوية ورف فاضي ورف نص نص، ودا اللى بيخلينا مش شبه بعض.. يعنى واحد حساس اوى..More( المقدمة )كل واحد فينا جواه شوية صفات كدا على بعضها، زى الرفوف بالظبط ، الصفات دى منها الغضب والرضا، الحب والكره، الرحمة والقسوة، الشفقة والمجافاة، ، لكن طبعا فيه رف مليان شوية ورف فاضي ورف نص نص، ودا اللى بيخلينا مش شبه بعض.. يعنى واحد حساس اوى.. وواحد ولا بيحس زى قالب الطوب، وواحد نص نص، عارفة إن كلنا بنعرف نحب ونكره...وبناء على الكلام اللى فوق، كلنا بنمر في حياتنا بمواقف ومشاهد، تبقى شبه بعضها أو متطابقة (حلوة متطابقة دى)، وتختلف طريقة تعاملنا معاها حسب ما اتربينا واتعودنا (طبعا أنا عارفة إن كلكو متربيين تربية فل إن شاء الله)، مثلًا يعنى: لما تلاقي واحد نايم على الرصيف، فينا اللى قلبه هيتقطع من جواه وممكن يقعد جنبه ويعيط عليه، وواحد تانى هيشوف إن اللى نايم دا حاجة بيئة (أييا).. وبيخلى المنظر مش حلو، وواحد تالت بقى ماشى وشه زى قفاه، ولا شاغل باله.. وممكن كمان يدوس عليه وهو ماشي ومش واخد باله.. عادى.. وممكن يكون بياكل ساندويتش هوت دوج (كلب ساخن يعني).غير كل دول ممكن نلاقي واحد واقف بعيد بيتفرج على المنظر، ولانه ربنا مديله شوية إحساس على موهبة كدا في الكتابة، يشوف المنظر ده، ويتخزن جواه، ويفضل يشحن فيه لحد لما يقرب يطق، أول ما بيوصل للحالة دي؛ تلاقي ربنا فتح عليه والقلم اشتغل لوحده يرص حرف جنب حرف لحد ما ييجي في الآخر يلاقي نفسه كاتب كلام كدا غير كلام الجرايد، ممكن يبقى قصة أو شعر أو أي حاجة غير الكلام المقعد اللى بيكرهنا في عيشتنا، المهم صاحبنا اللي واقف بعيد ده ممكن تلاقيه على آخر الليل كدا كتب كلام إنما إيه.. من اللى قلتلكو عليه فوق بردو.. بس بيتكلم نيابة عن الأخ اللى نايم، قوم إيه.. لما الناس تقراله تبقى مبسوطة وتقوله انت كتبت الكلام ده ازاى؟ يقولهم ما اعرفش بس هو اتكتب لوحده.أنا بقى مش بقول إنا زى صاحبنا اللى كان واقف بعيد (واعوذ بالله من الانانية)، لكن اصحابي لما بيقروا كلامي بيبقوا مبسوطين وبيعلقوا عليه، وأنا كمان بكون مبسوطة، وهما اللى طلبوا مني إني أجمع القصص دي (آه والله العظيم مش بكدب) وأعملها في كتاب إلكتروني .في الآخر.. يارب الكتاب يعجبكوا.. وتنبسطوا منو عشان اكون أنا كمان مبسوطة.ودلوقتى اسيبكو بقى مع كتابي( حكاوى من القلب )http://www.mediafire.com/?fxopoyhxnpg...